Ota-bobolarimiz bundan ming yillar avval ham mevali daraxtlar ekib, mevasidan bahra olishgan, ham tirikchilik qilishgan. Ikkinchi jahon urushi davrida ham bog‘larimiz xalq joniga ora kirgan. Bu, ayniqsa, frontga ham yordam uchun quruq mevalar jo‘natishga qo‘l kelgan. Buning isboti sifatida urush yillariga bag‘ishlab suratga olingan “41-yil olmalari” filmini aytishimiz mumkin. Shuning uchun ham ota-bobolarimiz sog‘lom va baquvvat bo‘lishgan.
Mevali daraxtlarni ekish, soyasi va mevasidan bahramand bo‘lishimiz uchun yerga nihol qadaymiz, unib-o‘sishi uchun jon kuydiramiz. Ayniqsa, bunday harakatlar umummilliy harakatga aylanib, butun olamni yashil makonga aylantirishga bel bog‘laganmiz. Ana shunday loyihaga hamohang tarzda Jarqo‘rg‘on tumanidagi “Obodguzar” mahallasida joylashgan ariq va zovurlar yoqalariga, katta yo‘l chetlariga nuroniy otaxon-u onaxonlar hashar yo‘li bilan 1000 tupdan oshiq olma, shaftoli, o‘rik, uzum, yong‘oq va tut kabi daraxt ko‘chatlarini ekishdi.
“Baraka fermer xo‘jaligi” suvchilari, mahalla yoshlari ham ushbu tashabbusga jim qarab turmadilar, balki yordamga oshiqishdi. Ko‘pning sa’y-harakati bilan yashil maskan uchun xayrli ishlar qilindi. Avval ekilgan daraxtlarga suv quyilib, osti yumshatildi.
Zafar MIRZAYEV
