Mavsumga start berildi

Harbiylik har doim ham yoshlar qalbiga havas uyg‘otib, vatanga xizmat qilishni, aynan harbiy bo‘lishni orzu qilishga sabab bo‘ladigan soha. Shunday ekan, uyushmagan yoshlarni-da bir yerda jamlab, hayotda, jamiyatda o‘z o‘rnini topishga, kelajagiga qiziqish uyg‘otishga xizmat qiladigan soha ham ayni harbiylik bilan bog‘liqdir. Shu sababdan ham “Vatanga sodiq yoshlar” loyihasiga start berildi va Qumqo‘rg‘on tumanidan 250 nafar yosh Termiz tumanida joylashgan harbiy qismda tantanali kutib olindi.
Davlat xavfsizlik xizmati hamda Surxondaryo viloyati yoshlar ishlari boshqarmasi hamkorlikda tashkil etilgan ushbu loyiha uyushmagan yoshlar o‘rtasida tashkil etilib, yoshlarni bo‘sh vaqtlarini mazmunli tashkil etish maqsadida turli tadbir, sport musobaqalari o‘tkazildi va yoshlarga harbiylar hayoti yaqindan tanishtirildi.
2 kun mobaynida yoshlar uchun harbiy akademiyaning professor o‘qituvchilari tomonidan o‘quv seminarlar tashkil etildi.