Insoniylik — ko‘ngil malhami

Ulug‘ ayyom arafasida insonlarga yaxshilik qilish, ezgulik ulashishga harakat qilamiz. Bunday sa’y-harakatlarimiz bilan yo‘qsillar ko‘ngli shod bo‘lib, bu dunyoga hali-hamon yaxshilik unutilmaganligiga amin bo‘lishadi. Ana shunday kunlarda Sho‘rchi tumanida alohida parvarish va e’tiborga muhtojlar holidan xabar olinib, ko‘ngil so‘raldi.
— Shunday xayrli kunlarda meni yo‘qlab kelgan tashabbuskorlarga o‘z minnatdorchiligimni bildiraman, — deydi Zebo Choriyeva. — Tashabbus ko‘rsatib kelganlar dori-darmon olishim uchun yordam berishdi. E’tibor uchun juda xursand bo‘ldim.
Zamondoshlarimiz holidan doimiy xabardor bo‘lib, mehr-muruvvatni, e’tiborni unutmaslik siz-u bizning chin insoniylik burchimizdir. Zero, insoniylik — ko‘ngil malhami.