Yoshlar uyli bo‘ldi

Ota-ona birinchi navbatda farzandini ulg‘ayirish, oq yuvib, oq tarash, munosib ta’lim-tarbiya olishi bilan birga uyli-joyli qilish haqida o‘ylaydi. Farzand ana shunday g‘amxo‘rlik ostida ulg‘ayadi. Ammo, hamma bola ham bunday g‘amxo‘rlik bilan ulg‘aymaydi. Kimdir ota-ona mehridan mahrum. Ana shunday holatlarda davlat bolaning yolg‘izligini bildirmaydi, boshini silaydi, qo‘llab-quvvatlaydi, kerakli yordamni ko‘rsatadi. Biloljon Avazmurodov va Abdug‘affor Latipov ham o‘zilariga ko‘rsatilgan e’tibor va g‘amxo‘rlikdan minnatdor.
Ularga prezidentimizning “Yetim bolalar va ota-ona qaramog‘idan mahrum bo‘lgan bolalarni davlat tomonidan qo‘llab-quvvatlashning yangi tizimini joriy etish chora-tadbirlari to‘g‘risidagi” qarori ijrosi doirasida Sariosiyo tumanidagi ko‘p qavatli xonadonlardan uy topshirildi. Topshirilgan uylar zamonaviy ta’mirlangan, shinam va yashash uchun tayyor holatda. Eng asosiysi, uy-joyga ega bo‘lgan yoshlar orzu-umidlar va ulkan niyatlar bilan o‘z uylarida ega bo‘lishdi.
–Bugun hayotimda bir umr yodimdan chiqmaydigan quvonchli voqea bo‘ldi, – deydi yoshlardan biri. — Shodligimning cheki yo‘q. Vatanimga, prezidentimizga bo‘lgan ishonchim, muhabbatim yanada oshdi.