“Javondagi javohir”

Kitob ilmu ma’rifat ummonidir. Undan to‘yib-to‘yib qonish esa har bir yoshning ma’naviyatida, dunyoqarashida katta o‘zgarishlar sodir bo‘lishiga xizmat qiladi. Buni Termiz shahridagi Prezident maktabining ertalabki saflanish vaqtida “Javondagi javohir” nomli kitoblar namoyishida so‘zga chiqqan yoshlarning teran fikrlarini tinglash orqali sezish mumkin bo‘ldi.
Maktab kutubxonachisi M.Abdullayeva hamda o‘quvchilar kutubxonaga yangi keltirilgan adabiyotlar haqida o‘quvchilarga ma’lumot berishdi. Albatta, inson o‘zi o‘qigan adabiyot, asar haqida to‘lqinlanib hamda qimmatli tavsiya va ma’lumotlarni bera oladi. Taqdimot davomida so‘zga chiqqan yoshlar adabiyotlarni tavsiya qilishar ekan, o‘zlarining taklif va tavsiyalarini berib o‘tdi. Ularning fikrlariga quloq tutgan yoshlar ham ishonamizki, ushbu fikrlarga tayanib, tavsiya qilingan asarlarni, albatta, o‘qishadi.