Bilim va tajribasi qo‘l kelib…

Kechagina nima qilish, qanday yo‘l tutishni bilmay yurgan, dardiga darmon izlagan fuqarolarimiz bugun to‘rt muchasi sog‘ayib, yangitdan tug‘ilgandek bo‘layotgani qo‘li yengil jarrohlarimizning xizmati sababdandir. Ularning xizmati, bilim va tajribasi o‘z ishini ko‘rsatayotganidan darak.
Bugungi kunda poytaxt va viloyat markaziy tibbiyot muassasalariga borish shartmas. Har bir hududning o‘zida ixtisoslashtirilgan, yuqori texnologik jarrohlik amaliyotlari o‘tkazilib kelinmoqda. Bu esa ushbu turdagi xizmatlarga muhtoj, ammo viloyat markaziga borishga imkoni yo‘q, ijtimoiy himoya umidida turgan bemorlar uchun ko‘makdir.
O‘tgan yili Angor tuman tibbiyot birlashmasi shifokorlari tomonidan 250 nafar fuqaroda yuqori texnologik jarrohlik amaliyoti amalga oshirilgan bo‘lsa, joriy yilning 15-fevral sanasiga qadar 50 ta jarrohlik amaliyoti o‘tkazildi. Jarrohlik amaliyoti o‘tkazilgan har bir bemorning tuzalishiga jiddiy e’tibor qaratilib, qat’iy nazorat ostiga olinib, g‘amxo‘rlik ko‘rsatilayotir.