“Yashil makon” doirasida…

Bahor yaqin. O‘z-o‘zidan ayonki, erta bahordan ekin-tikin ishlari avj oladi. Yerlar yumshatiladi, ariqlar tozalanadi. Daraxtlar tanasi oqlanib, yoshu keksa mehnatga hamdam bo‘ladi. Ayni kunlarda “Yashil makon” dasturi doirasida Termiz davlat universiteti hududida ham koʻchat ekish va obodonlashtirish ishlari olib borilmoqda.
O‘qituvchi-pedagoglar, talaba-yoshlarning hamjihatlikda boshlagan ishlarida unum bo‘ldi. Ana shunday sa’y-harakatlar natijasida hududda jami 3 ming 655 tup (archa daraxti turlari, olma, yongʻoq) mevali va manzarali daraxt koʻchatlari hamda 8 mingta mavsumiy gullar ekish ishlari bosqichma-bosqich amalga oshirilayotir.
Albatta, ekishdan oldin har bir ko‘chat muassasaning iqlim sharoitidan kelib chiqib tanlab olindi. Endi ular agrotexnik talablar asosida parvarish qilinadi, mineral va organik oʻgʻitlar bilan oziqlantirilib, zararkunandalardan himoya qilib boriladi.