Finalga chiqdi

Sport musobaqalari sportchi yoshlarning iqtidor va mahoratlarini kashf qilishga, munosib rag‘batlantirishga xizmat qilayotir. Buxoro viloyatida dzyudo bo‘yicha yoshlar o‘rtasidagi O‘zbekiston kubogi bahslari ham ayni maqsadda tashkil etildi. Unda mamlakatimizning barcha viloyatlari va Qoraqalpog‘iston Respublikasidan kelgan sportchilar g‘oliblik yo‘lida kurash olib bordilar.
Musobaqada (qizlar) o‘rtasida bo‘lib o‘tgan bellashuv ham qizg‘in va murosasiz kurashlarga boy bo‘ldi. Dzyudochi qizlar bor kuch va mahoratlarini ishga soldilar. Ular orasida 63 kilogramm vazn toifasida Jarqo‘rg‘on tuman sport maktabi a’zosi Komila Qaxxorova ham bor edi. Komila raqiblarini ayovsiz yengib finalga chiqdi va 2-o‘rinni egalladi.