“Yuksalish” umummilliy harakati tashabbusi bilan Surxondaryo viloyatida “Jamoatchilik nazoratini samarali amalga oshirish mexanizmlari” mavzusida seminar-trening o‘tkazildi. Unda Taraqqiyot strategiyasini amalga oshirilishi jarayonlarini hududlarda maqsadlarga erishilganlik darajasiga qarab baholab boruvchi jamoatchilik guruhining ish faoliyatini tashkil etish va uni amalga oshirish tartibi, monitoring guruhining asosiy faoliyati,
strategiya doirasida qabul qilingan davlat dasturlari, jumladan, “Inson qadrini ulug‘lash va faol mahalla yili” davlat dasturining amalga oshirilishini nazorat qilish, baholab borish, davriy muqobil hisobotlar tayyorlash va e’lon qilish, shuningdek, tizimga oid taklif va tavsiyalarni ishlab chiqish jarayonlarida ham faol ishtirok etish kabilar maqsad qilingan.
O‘tkaziladigan treningda “Yuksalish” umummilliy harakatining Islohotlarni amalga oshirishga ko‘maklashish boshqarmasi boshlig‘i U. Radjabov “Jamoatchilik nazoratini amalga oshirish tartibi” to‘g‘risida, “Yuksalish” harakatining umumlashtirish va islohotlarni amalga oshirilishi yuzasidan monitoring bo‘limi boshlig‘i D.Lyutfiddinov “Jamoatchilik monitoringi va jamoatchilik eshituvlarini o‘tkazish bo‘yicha guruhlarda ishlash” mavzulari bilan trening qatnashchilariga ma’lumotlar berdilar.
Islom Mengliyev
