Ichki dunyomizni aniqlaydigan metod

Xayol bir zumda olamni kezib, ko‘z ko‘rib, quloq eshitmagan narsalarni tasavvur qilish mumkin. Muhimi, xayolot olamimiz va dunyoqarashimizning kengligida, salohiyatimizda. Oltinsoy ixtisoslashtirilgan maktabida tashkil etilgan tadbirda ishtirok etayotgan 5-sinf o‘quvchlaridan tasavvur olamining naqadar kengligi sinovdan o‘tkazildi. Ya’ni “Mavjud bo‘lmagan hayvon” testi olindi.
Bunda ishtirokchilar dunyoda mavjud bo‘lmagan, o‘z hayolidagi hayvon rasmini yaratdilar. So‘ng, o‘sha hayvonga nom berib, uning o‘ziga xos jihatlari haqida yozishdi. Yashash sharoiti, oziqlanishi haqida to‘xtalishdi.
Jarayonni kuzatish maroqli edi. Hech bir bilim va ko‘nikma talab qilmaydigan ushbu metod o‘quvchi xarakteri, ichki dunyosi, tengdoshlari bilan munosabatini aniqlab, o‘zi bilmagan holda o‘zi haqida ma’lumot beradi.