106 NAFAR BOLAJONNING SUNNAT TO‘YI BO‘LIB O‘TDI

Farzandimizga sunnat to‘yi qilishimiz ham farz, ham qarz amallarimizdandir. Ota-ona sifatida o‘g‘il farzand ulg‘aytirib o‘stiryapmizmi, ayni jihatlar haqida o‘ylaymiz. Jarqo‘rg‘on tumani hokimi E. Avazov tuman otasi sifatida tumandagi 106 nafar bolaning sunnat to‘yini boshlab yuborgani vohada duv-duv gap bo‘ldi. Tumandagi Neftchilar mahallasida joylashgan “Shohsaroy” to‘yxonasida boshlangan karnay-surnay sadolari esa barchani ana shu shodiyonaga chorladi.
To‘y to‘ybolalarni tabriklab, ularga esdalik sovg‘alari topshirishdan boshlandi. Bugungi kun sababchilari bo‘lmish bolajonlarning esa quvonchi cheksiz. Ana shunday quvonchga sherik bo‘lgan ota-onaar, yor-birodarlar bezatilgan dasturxon atrofida o‘tirib, dildan suhbat qurdilar, xursandchilik qildilar. San’atkorlar tomonidan ijro etilgan sho‘x kuy-qo‘shiqlar esa barchani raqsga chorladi.