Adiblar xiyoboni hamda O‘zbekiston Yozuvchilar uyushmasida vazirlik va idoralar, xo‘jalik birlashmalari hamda mahalliy davlat hokimiyati organlarining ma’naviyat va davlat tili masalalari bo‘yicha maslahatchilari ishtirokida seminar va “Jonajon o‘zbek tilim” tanlovining taqdirlash marosimi bo‘lib o‘tdi.
Tadbirda o‘zbek tilining mamlakatimiz ijtimoiy hayotidagi va xalqaro miqyosdagi nufuzini oshirish, davlat tilini keng joriy etish hamda bu boradagi tashabbuslarni qo‘llab-quvvatlash masalalariga alohida e’tibor qaratildi.
Quvonarlisi, tanlovda Boysun tumani hokimligi mutaxassisi Jumayev Nurali “O‘zbek tilini raqamlashtirishga qaratilgan eng yaxshi dasturiy mahsulot” nominatsiyasi bo‘yicha g‘olib deb topildi.
Tanlov g‘olibi va sovrindorlariga diplom hamda esdalik sovg‘alari topshirildi.
