Termiz davlat universiteti talaba-qizlari “IT Queens — Kelajakni yaratuvchi qizlar” innovatsion tanlovining hududiy bosqichida uchta yo‘nalishda birinchi o‘rinni egalladi.
Musurmonqulova Munisa mobil ilovalar, Saydullayeva Barchinoy kiberxavfsizlik, Mardayeva Dilnura esa avtomatlashtirilgan tizimlar yo‘nalishida tengsiz deb topildi. Ular zamonaviy axborot texnologiyalari bo‘yicha bilim va ko‘nikmalari hamda innovatsion g‘oyalarini namoyish etdi.
Tanlovning boshqa yo‘nalishlarida Termiz davlat muhandislik va agrotexnologiyalar universiteti, Denov tadbirkorlik va pedagogika instituti hamda Termiz davlat pedagogika instituti talaba-qizlari ham yuqori natijalarni qayd etdi.
G‘oliblar diplom va qimmatbaho sovg‘alar bilan taqdirlandi. Har bir yo‘nalish bo‘yicha birinchi o‘rin sohiblari tanlovning Respublika bosqichida ishtirok etish uchun tavsiya etildi.
