Surxondaryodagi “Ayritom” chegara bojxona postida Afg‘onistondan kirib kelgan yuk avtomobili tekshirilganda, tirkama polining ostiga yashirilgan 98 ta o‘ram aniqlandi.
O‘ramlar to‘rt qavat qilib maxsus qadoqlangan bo‘lib, ularning 79 tasidan 42 kilogramm 335 gramm “gashish”, 19 tasidan esa 10 kilogramm 260 gramm “opiy” topildi. Shu tariqa jami 52 kilogramm 595 gramm giyohvandlik vositasini O‘zbekistonga olib kirishga urinishning oldi olindi.
Holat yuzasidan tergovga qadar tekshiruv olib borilib, noqonuniy yukni qabul qilishi kerak bo‘lgan shaxslar aniqlanmoqda.
