Uzun tumanining Yangi hayot mahallasida oilaviy kelishmovchiliklar sabab onasidan ayrilib qolgan voyaga yetmagan farzand bugun yana ona bag‘riga qaytdi.
Sud qaroriga asosan, farzandning ona mehriga va tarbiyasiga muhtojligi inobatga olinib, uni onasiga topshirish belgilangan edi. Majburiy ijro byurosining Uzun tuman bo‘limi davlat ijrochilari tomonidan olib borilgan ijro harakatlari natijasida 2017-yilda tug‘ilgan farzand onasiga olib berildi.
Bir necha oylik ayriliqdan so‘ng farzandini bag‘riga bosgan ona uchun bu uchrashuv unutilmas quvonchga aylandi. Chunki ota-ona o‘rtasidagi kelishmovchilik farzandni ona mehridan ayirmasligi kerak. Farzand — oilaning eng bebaho ne’mati.
