Surxondaryo viloyati hokimi Ulug‘bek Qosimovning Angor tumanidagi ishchi tashrifi davomida hududdagi mavjud holat, xavfsizlik masalalari hamda yuqori turuvchi topshiriqlar ijrosi birgalikda ko‘rib chiqildi.
Dastlab, “Angor kelajagi” savdo kompleksidagi yong‘in xavfsizligi va sanitariya holati, savdo nuqtalarida yaratilgan sharoitlar o‘rganildi. Aniqlangan masalalarni tezkor bartaraf etish va aholi hamda tadbirkorlar uchun qulay muhit yaratish bo‘yicha mas’ullarga ko‘rsatmalar berildi.
Tashrif doirasida tuman hokimligida Prezidentning 2026-yil 21-maydagi PQ-198-son qarori, Davlat rahbarining 26–27-fevral kunlari Surxondaryoga tashrifi hamda Bosh vazirning 16-maydagi tashrifi davomida belgilangan vazifalar ijrosi ham tahlil qilindi.
Muhokama yakunida bajarilgan ishlar va yechimini kutayotgan masalalar ko‘rib chiqilib, mas’ullarga aniq vazifalar yuklatildi. Topshiriqlarni belgilangan muddatlarda va natijadorlik bilan bajarish yuzasidan qat’iy ko‘rsatmalar berildi.
