«Vatan tayanchi» harakati faol a’zolari hamda «Vatanparvarlar» va «Shijoat va g‘ayrat» musobaqalarining respublika bosqichi g‘oliblariga oliy ta’lim muassasalariga kirishda qo‘shimcha imkoniyat yaratildi.
Yangi tartibga ko‘ra, belgilangan talablarga javob beradigan yoshlarga tavsiyanoma beriladi. Ushbu tavsiyanoma asosida oliy harbiy, harbiylashtirilgan hamda yuridik ta’lim muassasalariga kirishda abituriyent to‘plagan ballning 5 foizi miqdorida qo‘shimcha ball qo‘shiladi.
Tavsiyanoma 3 yil davomida amal qiladi.
Mazkur imkoniyat yoshlarni a’lo baholarda o‘qish, harbiy-vatanparvarlik tadbirlarida faol qatnashish, bilim va jismoniy tayyorgarligini oshirishga rag‘batlantirishi bilan ahamiyatlidir.
