Davlatimiz rahbari tashabbusi bilan yo‘lga qo‘yilgan “Yangi avlod tadbirkorlari” dasturi doirasida Yale School of Management bilan hamkorlikda 3 kunlik xalqaro intensiv ta’lim dasturi muvaffaqiyatli tashkil etildi.
Mazkur nufuzli dasturda Surxondaryodan 15 nafar yosh tadbirkor ishtirok etib, AQShdan tashrif buyurgan xalqaro professor va ekspertlardan global bozorlarga chiqish, zamonaviy marketing yondashuvlari hamda transformatsion biznes strategiyalari bo‘yicha qimmatli nazariy va amaliy bilimlarga ega bo‘ldilar.
Dastur yakunida faol ishtirok etgan yosh tadbirkorlarga Yale School of Managementning maxsus xalqaro sertifikatlari tantanali ravishda topshirildi.
