O‘zbekiston Respublikasi davlat mustaqilligining 35 yilligi munosabati bilan Sariosiyo tumanida bayram tadbiri tashkil etildi. Tantanalarda qo‘shni Tojikiston Respublikasidan tashrif buyurgan delegatsiya ham ishtirok etdi.
Tojikiston delegatsiyasi“Sariosiyo” chegara bojxona postida tantanali kutib olindi. Tashrif davomida mehmonlar Sariosiyo aeroporti bilan tanishib, uning faoliyati, mavjud shart-sharoitlar va infratuzilmasi haqida ma’lumot oldi.
Tadbirlar davomida xorijiy mehmonlarga yuksak hurmat va samimiy ehtirom ko‘rsatildi. Uchrashuv O‘zbekiston va Tojikiston o‘rtasidagi do‘stlik, yaxshi qo‘shnichilik va o‘zaro hamkorlik munosabatlarining yorqin ifodasi bo‘ldi.
Shuningdek, Sariosiyo tumanidagi “Shaxtyor” o‘yingohida Mustaqillikning 35 yilligiga bag‘ishlangan tantanali konsert dasturi o‘tkazildi. Bayram tadbirini tuman hokimi Odiljon Yaqubov ochib berib, yig‘ilganlarni qutlug‘ sana bilan muborakbod etdi.
Konsert dasturida san’atkorlar tomonidan kuy-qo‘shiqlar ijro etilib, turli badiiy chiqishlar va bayramona dasturlar namoyish etildi.
