Mustaqilligimizning 35 yilligi arafasida Termiz shahrida aholi uchun yana bir katta quvonchli voqea yuz berdi. Manguzar mahallasida bunyod etilayotgan “Yangi Termiz siti” majmuasining ilk bosqichi doirasida 5 ta blokdagi 544 ta xonadonga ega ko‘p qavatli uylar foydalanishga topshirildi.
Zamonaviy turar joy majmuasida aholining qulay va farovon yashashi uchun zarur sharoitlar, ijtimoiy va infratuzilma obyektlarini rivojlantirish imkoniyatlari ham ko‘zda tutilgan.
Yangi uylarning tantanali ochilish marosimida viloyat hokimi Ulug‘bek Qosimov, nuroniylar, faxriylar, faollar, qurilish sohasi mutasaddilari, pudrat tashkilotlari vakillari va jamoatchilik ishtirok etdi.
Eng ulug‘ va eng aziz bayram arafasida foydalanishga topshirilgan xonadonlar 544 ta oila uchun chinakam bayram tuhfasiga aylandi. Endilikda yuzlab oilalar Mustaqillik shodiyonalarini yangi, zamonaviy va shinam xonadonlarda kutib oladi.
Bu kabi bunyodkorlik ishlari Termiz shahrining zamonaviy qiyofasini yanada boyitib, aholining munosib turmush sharoitlarini ta’minlashga xizmat qilmoqda.
