Termiz davlat pedagogika institutida “Sifatli ta’lim – Yangi O‘zbekiston taraqqiyotining mustahkam poydevori” shiori ostida V “Ustozlar milliy forumi”ning sho‘ba mashg‘ulotlari davom etmoqda. Mashg‘ulotlarda yangi o‘quv yiliga puxta tayyorgarlik ko‘rish, ta’lim sifatini oshirish, pedagoglarning kasbiy rivojini qo‘llab-quvvatlash va ta’lim tizimidagi dolzarb masalalar yuzasidan fikr almashilmoqda.
Ishtirokchilar zamonaviy pedagogik yondashuvlar, ilg‘or tajribalar va samarali metodikalar bilan o‘rtoqlashib, o‘zaro tajriba almashmoqda. Forumning mazmunli va amaliy ruhdagi sho‘ba mashg‘ulotlarida Surxondaryo viloyati delegatsiyasi vakillari ham faol qatnashmoqda.
