Yoshlar bandligini ta’minlash, ularni tadbirkorlik va kasb-hunarga yo‘naltirish orqali barqaror daromad manbalarini yaratish davlat siyosatining ustuvor yo‘nalishlaridan biridir. Shu maqsadda Angor tumanida hududlarda olib borilgan o‘rganishlar natijalariga bag‘ishlangan muhokama yig‘ilishi o‘tkazildi.
Tuman hokimi Qosim Mardonov hamda Respublika ishchi guruhi vakillari ishtirok etgan yig‘ilishda yoshlarni ish bilan ta’minlash, tadbirkorlikka jalb etish, bo‘sh vaqtini mazmunli tashkil etish va kasb-hunarga yo‘naltirish masalalari atroflicha tahlil qilindi.
Muhokama yakunida yoshlar bilan ishlash samaradorligini oshirish, bandlikni ta’minlash va tadbirkorlikni qo‘llab-quvvatlash bo‘yicha mutasaddi tashkilotlarga aniq vazifalar hamda tegishli topshiriqlar belgilandi.
