Ta’limga kiritilayotgan investitsiyalar kelajak avlod uchun mustahkam poydevor yaratadi. Zamonaviy maktablar barpo etilishi esa o‘quvchilarning sifatli ta’lim olishi va qulay sharoitlarda bilim egallashiga xizmat qiladi.
Davlat investitsiya dasturi doirasida Termiz tumani Soliobod mahallasidagi 6-sonli maktabning eski, ta’mirtalab 120 o‘rinli binosi o‘rnida 660 o‘rinli zamonaviy o‘quv binosi qurilmoqda. Loyiha yakunlangach, o‘quvchilar barcha zarur sharoitlarga ega zamonaviy sinf xonalarida tahsil oladi, maktabdagi o‘rinlar yetishmovchiligi bartaraf etilib, ta’lim sifati va qamrovi yanada yaxshilanadi.
