Bugun qishloq hududlarida ham shahar darajasidagi infratuzilma va qulay yashash sharoitlarini yaratishga alohida e’tibor qaratilmoqda. Bunyodkorlik ishlari tufayli mahallalar qiyofasi tubdan o‘zgarib, aholi uchun yanada zamonaviy va xavfsiz muhit shakllanmoqda.
Muzrabot tumanining “Do‘stlik” mahallasida ham keng ko‘lamli obodonlashtirish ishlari jadal davom etmoqda. Prezidentimiz tashabbuslari asosida 24 metr kenglikdagi asosiy ko‘cha zamonaviy talablar asosida rekonstruksiya qilinmoqda.
Loyiha doirasida yo‘lga asfalt yotqizish, tungi yoritish tizimini barpo etish, piyodalar yo‘laklari hamda lotok va beton ariqlar qurilishi izchil olib borilmoqda. Ushbu bunyodkorlik ishlari nafaqat mahalla qiyofasini yangilamoqda, balki aholining xavfsiz va qulay hayot kechirishi uchun zarur sharoitlarni yaratishga xizmat qilmoqda.
