O‘zbekistonning boy tarixi, ma’naviy merosi va bugungi taraqqiyotini xalqaro jamoatchilikka keng targ‘ib etishga xizmat qiluvchi yana bir muhim nashr kitobxonlarga taqdim etildi.
Turkiyalik taniqli adib, olim va jamoat arbobi doktor Kemal Yavuz Atamanning “Men tanigan O‘zbekiston” nomli kitobi nashrdan chiqdi. Asarda yurtimizning qadimiy tarixi, turkiy-islom sivilizatsiyasidagi o‘rni, buyuk allomalari va davlatlilik an’analari bilan bir qatorda, Yangi O‘zbekistonda amalga oshirilayotgan islohotlar hamda mamlakat taraqqiyoti haqida muallifning xolis kuzatuvlari o‘rin olgan.
“Ma’rifat elchilari” loyihasi doirasida o‘zbek va turk tillarida tayyorlangan ushbu nashr O‘zbekistonning boy madaniy merosi va zamonaviy taraqqiyotini xalqaro miqyosda keng targ‘ib etishga xizmat qiladi.
