Aholi salomatligi, sanitariya-epidemiologik osoyishtalik va ekologik barqarorlikni ta’minlashda oqova suv tizimi xodimlarining mehnati beqiyos. Ularning fidokorona faoliyati tumanning obodligi va farovonligi uchun muhim ahamiyatga ega.
Bandixon tumanida oqova suv ta’minoti tizimida sidqidildan mehnat qilib, aholiga sifatli xizmat ko‘rsatayotgan xodimlar tuman hokimi Abdumalik Allamuradov tomonidan munosib taqdirlandi.
Taqdirlash marosimida xodimlarning mashaqqatli mehnati, kasbiga sadoqati va tuman ravnaqiga qo‘shayotgan hissasi yuqori baholandi. Ularning har biri uchun tashakkur va ehtirom bildirildi.
Yurtimiz obodligi va aholi farovonligi yo‘lida mehnat qilayotgan barcha fidoyilarga samimiy minnatdorlik. Kasbingiz sharafli, mehnatingiz doim barakali bo‘lsin!
