Atrof-muhitni asrash, ekologik muvozanatni saqlash va yashil hududlarni ko‘paytirish bugungi kunning eng dolzarb vazifalaridan biridir. Bu yo‘nalishda bank tuzilmalari ham faol ishtirok etmoqda.
“O‘zmilliybank” AJ Surxondaryo viloyati bosh boshqarmasi hududida ko‘p yillik daraxtlarni parvarishlash bo‘yicha amaliy tadbir o‘tkazildi. Tadbir davomida daraxtlar tag qismi ochilib, ularni sug‘orish va agrotexnik ishlov berish amalga oshirildi. Bu ishlar daraxtlarning sog‘lom o‘sishi, ildiz tizimining mustahkamlanishi hamda hududni yanada ko‘kalamzorlashtirishga xizmat qiladi.
Bunday tashabbuslar nafaqat atrof-muhitni asrashga, balki kelajak avlodlar uchun qulay yashash muhitini yaratishga ham muhim hissa qo‘shmoqda.
