Xalqaro “Boysun bahori” festivali Yaponiyaning yetakchi axborot agentliklaridan biri — Kyodo Tsushin sahifalarida yoritilib, Surxondaryoning sayyohlik salohiyatini yana bir bor xalqaro auditoriyaga namoyish etdi.
Agentlik muxbiri Nana Kunieda festival taassurotlari asosida tayyorlagan maqolada Boysunning qizillolalarga burkangan tog‘lari, baxshichilik an’analari, milliy hunarmandchilik va asrlar davomida saqlanib kelayotgan madaniy merosi alohida e’tirof etilgan.
Nufuzli xorijiy OAVdagi bunday yorituvlar nafaqat hududning turistik jozibasini targ‘ib qiladi, balki Yaponiyadan Surxondaryoga bo‘lgan qiziqish va sayyohlar oqimini oshirishga ham xizmat qilmoqda. Bu esa viloyatning etnoturizm va madaniy turizm yo‘nalishidagi xalqaro nufuzini mustahkamlashda muhim omil bo‘lib bormoqda.
