Denov tumanida profilaktika inspektorlari ishtirokida “Xalqaro standartlar va milliy qonunchilik” mavzusida seminar-trening tashkil etildi.
Tadbirda voyaga yetmaganlar huquqlarini himoya qilish, huquqbuzarliklarning oldini olish va inson huquqlariga oid me’yorlarni amaliy faoliyatda samarali qo‘llash masalalari muhokama qilindi.
Mutaxassislar tomonidan bola manfaatlarini ta’minlash, profilaktik ishlarni takomillashtirish, idoralararo hamkorlikni kuchaytirish hamda turli vaziyatlarda to‘g‘ri yondashuvlarni tanlash bo‘yicha tavsiyalar berildi.
Mazkur seminar profilaktika inspektorlarining huquqiy bilim va amaliy ko‘nikmalarini oshirish, ayniqsa, bolalar bilan bog‘liq masalalarda samarali himoya tizimini kuchaytirishga xizmat qiladi.
