Yosh iste’dodlarni izlab topish va ularning ijodiy salohiyatini qo‘llab-quvvatlash milliy madaniyat rivojining muhim omillaridan biridir. Shu maqsadda hududlarda o‘tkazilayotgan ijodiy tanlovlar yoshlar uchun o‘z qobiliyatini namoyon etish va yangi imkoniyatlarga ega bo‘lish maydoniga aylanmoqda.
Oltinsoy tumanidagi “Oqarbuloq” madaniyat markazida Surxondaryo viloyati hokimi Ulug‘bek Qosimov tashabbusi bilan tashkil etilayotgan “Surxon yulduzi” viloyat iste’dodlari ko‘rik-tanlovining tuman bosqichi bo‘lib o‘tdi.
Unda tumandagi iqtidorli yoshlar va san’at ixlosmandlari o‘z ijodiy chiqishlari bilan ishtirok etib, mahoratlarini namoyish etdilar. Tanlov yosh iste’dodlarni kashf etish, ularni rag‘batlantirish hamda Surxon san’ati va madaniy merosini yanada rivojlantirishga xizmat qilmoqda.
