Fuqarolik jamiyati institutlarining faol ishtiroki davlat va jamiyat o‘rtasidagi ishonchni mustahkamlash, dolzarb ijtimoiy masalalarga samarali yechim topishda muhim o‘rin tutadi. Shu maqsadda O‘zbekiston Respublikasi Prezidentining 2024-yil 26-avgustdagi PF–124-son Farmoni ijrosiga bag‘ishlangan ochiq muloqot tashkil etildi.
Unda Surxondaryo viloyati hokimi Ulug‘bek Qosimov ishtirok etdi. Muloqot davomida fuqarolik jamiyati institutlarining salohiyatini oshirish, davlat tashkilotlari bilan ijtimoiy sheriklikni kengaytirish, grant loyihalarini ishlab chiqish va tanlovlarda faol ishtirok etish masalalari muhokama qilindi.
Tadbir yakunida sohada uchrayotgan muammolarni bartaraf etish, nodavlat notijorat tashkilotlarini qo‘llab-quvvatlash va hamkorlikni yanada mustahkamlash bo‘yicha amaliy kelishuvlarga erishildi.
