Aholi tashabbuslarini qo‘llab-quvvatlash va hududlar infratuzilmasini yaxshilashda tashabbusli byudjet loyihalari muhim o‘rin tutmoqda. Fuqarolarning faol ishtiroki asosida amalga oshirilayotgan bunday loyihalar mahallalarda qulay va zamonaviy yashash sharoitlarini yaratishga xizmat qilmoqda.
Qumqo‘rg‘on tumanining Xo‘jamulki mahallasida tashabbusli budjetning 2026-yil 1-mavsumi doirasida g‘olib bo‘lgan loyiha asosida ichki yo‘llarni ta’mirlash ishlari olib borilmoqda. Mahalla aholisining faolligi va ovoz berishdagi tashabbuskorligi natijasida hududdagi 3,2 kilometrdan ortiq ichki yo‘llarga asfalt qoplamasi yotqizilib, yo‘l infratuzilmasi sezilarli darajada yaxshilanmoqda.
Mazkur loyiha transport qatnovi qulayligini oshirish, aholining kundalik turmushini yengillashtirish hamda mahalla infratuzilmasini yanada rivojlantirish yo‘lidagi muhim amaliy ishlardan biri bo‘ldi.
