O‘zbekistonda 2026–2028-yillarda charm-poyabzal sanoatini qo‘llab-quvvatlash maqsadida yangi subsidiyalar va soliq imtiyozlari joriy etiladi. Davlat tayyor charm, poyabzal hamda charm-attorlik mahsulotlari ishlab chiqaruvchilarini, shuningdek, import qilinadigan poyabzal qoliplari va suvni tozalash vositalarini subsidiyalaydi.
Bundan tashqari, davlat xaridlarida mahalliy xomashyo va butlovchi qismlardan foydalanuvchi korxonalarga qo‘shimcha ustunlik beriladi. Teri va jun xomashyosini yig‘uvchi tadbirkorlar esa 2029-yil 1-iyulgacha ayrim soliqlardan ozod etiladi.
Mazkur chora-tadbirlar mahalliy ishlab chiqarishni rag‘batlantirish, importga qaramlikni kamaytirish va tarmoqning eksport salohiyatini oshirishga xizmat qilishi kutilmoqda.
