Yoshlar sog‘lom hayot sari chorlanmoqda

Termiz iqtisodiyot va servis universitetida “Yoshlar – giyohvandlikka qarshimiz” respublika ko‘rik-tanlovining final bosqichiga tantanali start berildi. Unda yurtimizning turli hududlaridan tashrif buyurgan 30 ta jamoa va talaba-yoshlar ishtirok etdi.
Tadbir davomida sog‘lom turmush tarzini targ‘ib qilish, yoshlarni giyohvandlik va boshqa zararli illatlardan asrash, ularning huquqiy va ma’naviy ongini yuksaltirish masalalariga alohida e’tibor qaratildi.
Tanlov yoshlar orasida sog‘lom dunyoqarashni shakllantirish, ijtimoiy faollikni oshirish hamda zararli odatlarga qarshi murosasiz munosabatni kuchaytirishga xizmat qilishi bilan ahamiyatlidir.