Muzrabot tumanining Chegarachi mahallasidagi 29-sonli umumta’lim maktabida yangi o‘quv yiliga tayyorgarlik ishlari yakunlandi.
Ta’lim maskanida qisqa muddatda bunyodkorlik va ta’mirlash ishlari amalga oshirilib, o‘quv binosining ichki va tashqi qismi yangilandi. Shuningdek, sinfxonalardagi jihozlar, jumladan stol-stullar qayta ko‘rib chiqilib, o‘quvchilar uchun yanada qulay sharoit yaratildi.
Ushbu ezgu ishlar maktab direktori tashabbusi va jamoaning sa’y-harakatlari asosida amalga oshirildi.
Ushbu ta’lim maskanida yaratilayotgan sharoitlar o‘quvchilarning sifatli ta’lim olishi, ustozlarning samarali faoliyat yuritishi uchun muhim qadam bo‘lib xizmat qiladi.
Eng olis hududlarda ham ta’limga e’tibor — kelajak avlodga qaratilgan eng katta sarmoyadir.
