Xodimlarning mehnat huquqlarini himoya qilish va ijtimoiy adolatni ta’minlash yo‘lidagi muhim qadam sifatida O‘zbekistonda ish tashlash huquqi qonuniy ravishda e’tirof etildi. Prezident tomonidan imzolangan qonun uch oy muddatdan so‘ng kuchga kiradi.
Yangi tartibga ko‘ra, ish tashlash xodimlarning mehnatga oid, ijtimoiy-iqtisodiy va kasbiy manfaatlarini himoya qilish maqsadida jamoaviy mehnat nizolarini hal etish vositasi sifatida qo‘llanadi. Bunda ish tashlash faqat jamoaviy qaror asosida va belgilangan tartiblarga rioya qilingan holda amalga oshirilishi mumkin.
Mazkur qonun xodimlar va ish beruvchilar o‘rtasida muvozanatli munosabatlarni shakllantirish, mehnat huquqlarini samarali himoya qilish hamda xalqaro mehnat standartlariga mos huquqiy tizimni rivojlantirishda muhim ahamiyat kasb etadi.
