Muqaddas Haj amallarini yuksak saviyada ado etgan surxondaryolik ziyoratchilarning dastlabki guruhi ona vatanga qaytib keldi. Muborak safardan yorug‘ yuz va ulkan taassurotlar bilan qaytgan yurtdoshlarimiz tantanali ravishda kutib olindi. Kutib olish marosimida O‘zbekiston musulmonlari idorasi Surxondaryo viloyati vakilligi rahbariyati, viloyat va shahar mutasaddilari, keng jamoatchilik vakillari hamda ziyoratchilarning yaqinlari ishtirok etdi.
Safarni yakunlab kelgan hojilar ko‘rsatilgan yuksak ehtirom hamda g‘amxo‘rlik uchun tashkilotchilarga va davlatimiz rahbariga o‘z minnatdorchiliklarini bildirib,
yurtimizga tinchlik-omonlik, xonadonlarimizga qut-baraka hamda xalqimizga farovonlik tilab, ezgu duolar qilishdi.
Ziyoratchilarning keyingi guruhlarini ham xuddi shunday ko‘tarinki ruhda kutib olish ishlari tizimli ravishda davom ettirmoqda.
