Uy-joy masalasi ko‘plab yosh oilalar uchun dolzarb muammolardan biri bo‘lib qolmoqda. Endilikda “Ijtimoiy reyestr”ga kiritilgan ijtimoiy himoyaga muhtoj yosh oilalar turar joy ijarasi xarajatlarining bir qismini davlat tomonidan qoplatish imkoniyatiga ega bo‘ldi.
Kompensatsiya 12 oy davomida har oy ijara to‘lovining 50 foizigacha miqdorda ajratiladi. Mablag‘lar ariza beruvchining ijtimoiy kartasiga o‘tkaziladi, arizalar esa onlayn tarzda qabul qilinadi.
Mazkur tashabbus yosh oilalarning moliyaviy yukini yengillashtirish, ularning turmush sharoitlarini yaxshilash hamda jamiyatdagi ijtimoiy faolligini oshirishga xizmat qiladi.
