Boysun tumanida “Yuksalish” harakati Surxondaryo viloyati hududiy bo‘linmasi hamda tadbirkor Odil Muhammadiyev hamkorligida “Ziyoli kelajak” loyihasiga start berildi. Loyiha doirasida “Pasurxi” mahallasidagi 5-sonli umumta’lim maktabi sport zalini ta’mirlash uchun 50 million so‘mlik qurilish materiallari topshirildi.
Mazkur tashabbus maktablardagi mavjud muammolarni bartaraf etish, o‘quvchilar uchun zamonaviy va qulay ta’lim muhitini yaratish hamda yoshlarning jismoniy va intellektual salohiyatini rivojlantirishga xizmat qiladi. “Ziyoli kelajak” loyihasi davlat, xususiy sektor va fuqarolik jamiyati hamkorligini mustahkamlab, ta’lim tizimini yanada sifatli va zamon talablariga mos rivojlantirishga qaratilgan muhim ijtimoiy tashabbusdir.
