Oltinsoy tumanidagi “Obshir” mahallasini suv bilan ta’minlovchi nasos stansiyasining elektr energiyasiga bo‘lgan ehtiyojini qoplash maqsadida quyosh elektr stansiyasi barpo etilmoqda.
Ayni paytda obyektda qurilish-montaj ishlari olib borilmoqda. Stansiyaning quvvati 150 kVtni tashkil etadi va ushbu loyiha ishga tushirilishi natijasida nasos stansiyasining barqaror elektr ta’minoti yo‘lga qo‘yilib, aholini uzluksiz ichimlik va sug‘orish suvi bilan ta’minlash imkoniyatlari yanada kengayadi.
Mazkur loyiha hudud infratuzilmasini rivojlantirish, energiyaning muqobil manbalaridan samarali foydalanish va eng muhimi, aholi farovonligini oshirishga xizmat qiladi.
