Qumqo‘rg‘on tumanining “Yangi hayot” mahallasida zamonaviy 120 o‘rinli 39-sonli davlat maktabgacha ta’lim tashkiloti foydalanishga topshirildi. Yangi bog‘chaning ochilishi maktabgacha ta’lim qamrovini kengaytirish, bolalarga sifatli ta’lim-tarbiya berish hamda ota-onalar uchun qulay sharoit yaratish yo‘lidagi muhim qadamlardan biri bo‘ldi.
Tashkilotda zamonaviy guruh xonalari, musiqa va sport mashg‘ulotlari uchun maxsus xonalar, oshxona hamda bolalar salomatligini asrashga xizmat qiluvchi zarur infratuzilma barpo etilgan.
Mazkur bog‘cha mahalladagi bolajonlarning barkamol voyaga yetishi uchun munosib sharoit yaratib, maktabgacha ta’lim tizimi rivojiga munosib hissa qo‘shadi.
