Termiz shahridagi Yoshlar markazida nuroniylar, mehnat va harbiy faxriylar, otaliqqa olingan yoshlar, “Vatan tayanchi” otryadi a’zolari hamda harbiy xizmatchilar ishtirokida “Uch avlod uchrashuvi” tadbiri tashkil etildi.
Tadbirda O‘zbekiston Qahramoni, senator Sodiqjon Turdiyev so‘zga chiqib, mamlakatimizda yoshlar va nuroniylarga qaratilayotgan e’tibor, yaratilayotgan imkoniyatlar hamda yoshlarni Vatanga sadoqat ruhida tarbiyalashning ahamiyati haqida fikr bildirdi.
Ochiq muloqot tarzida o‘tgan uchrashuvda yoshlar o‘zlarini qiziqtirgan savollarga javob oldilar, faxriylarning hayotiy tajribalari bilan yaqindan tanishdilar.
Tadbir Termiz garnizonidagi harbiy qismda davom etib, ishtirokchilar harbiylar uchun yaratilgan zamonaviy sharoitlar, harbiy texnikalar hamda “Bitta askar — bitta kasb” tamoyili asosida olib borilayotgan ishlar bilan tanishdilar.
Mazkur uchrashuv avlodlar o‘rtasidagi ma’naviy vorisiylikni mustahkamlash, yoshlarning vatanparvarlik tuyg‘ularini yuksaltirish va hayotiy maqsadlarini belgilashda muhim ahamiyat kasb etdi.
