Termiz shahrida “Yangi O‘zbekiston Olimpiya cho‘qqilari” sport musobaqalari doirasida para pauerlifting, stol tennis va taekvando WT bo‘yicha “Surxondaryo viloyati hokimi olimpiadasi”ning viloyat bosqichi bo‘lib o‘tdi.
Mazkur musobaqalar yoshlarni sportga keng jalb etish, ularning iqtidorini yuzaga chiqarish hamda sog‘lom turmush tarzini targ‘ib etishda muhim ahamiyat kasb etadi. Bellashuvlarda shahar va tuman bosqichlarida g‘oliblikni qo‘lga kiritgan o‘g‘il-qizlar viloyat chempionligi uchun o‘zaro bahslashdi.
Murosasiz va qizg‘in kechgan bahslarda yosh sportchilar yuqori jismoniy tayyorgarlik, matonat va g‘alabaga bo‘lgan kuchli intilishlarini namoyon etib, musobaqalarning haqiqiy bezagiga aylandilar.
Yakuniy natijalarga ko‘ra, g‘olib va sovrindorlar diplom hamda medallar bilan taqdirlandi. Musobaqa esa viloyatda sport harakatini yanada rivojlantirish va kelajak chempionlarini kashf etish yo‘lidagi muhim qadamlardan biri bo‘ldi.
