Prezidentimizning Qurbon hayiti munosabati bilan aholini qo‘llab-quvvatlash va mehr-saxovat tadbirlarini samarali tashkil etishga qaratilgan qarori ijrosi doirasida Surxondaryo viloyatida ham keng ko‘lamli xayriya ishlari amalga oshirilmoqda.
Viloyat bo‘yicha jami 20 ming 139 ta oilaga oziq-ovqat to‘plamlari yetkazib berildi. Shundan:
— 19 ming 562 tasi “Ijtimoiy reestr”ga kiritilgan oilalar;
— 577 tasi yolg‘iz keksalar hamda nogironligi bo‘lgan fuqarolar hissasiga to‘g‘ri keladi.
Mazkur ezgu ishlarni amalga oshirish uchun jami 8 milliard 297 million so‘mdan ortiq mablag‘ yo‘naltirildi.
Ayni paytda viloyatning barcha shahar va tumanlarida aholining ijtimoiy himoyaga muhtoj qatlamlarini qo‘llab-quvvatlash, inson qadrini ulug‘lash hamda mehr-saxovat muhitini mustahkamlashga qaratilgan ishlar davom etmoqda.
