“Yosh kitobxon” tanlovining respublika bosqichida surxondaryolik yoshlar katta muvaffaqiyat qayd etdi. 20–30 yosh toifasida Uzun tumanilik Fazilat Diyorova g‘oliblikni qo‘lga kiritib, tanlov tarixida ilk bor Surxondaryo vakili sifatida respublika bosqichida 1-o‘rinni egalladi.
Mutolaa madaniyati va bilimdonligi bilan ajralib turgan Fazilat Diyorova Prezidentimiz sovg‘asi — “BYD Chazor” elektromobili bilan taqdirlandi.
Termiz shahridagi Yoshlar markazida g‘olibani tantanali kutib olish marosimi tashkil etildi. Tadbirda uning yutug‘i yoshlar uchun katta ilhom va kitobxonlikka bo‘lgan e’tibor natijasi ekani alohida ta’kidlandi.
