Oliy ta’lim, fan va innovatsiyalar vazirligida o‘tkazilgan “Mirzo Ulug‘bek vorislari” Respublika tanlovining final bosqichida Termiz davlat universiteti Kimyo fakulteti talabalari Lola Sharifova va Mirjalol Tojiyev munosib g‘oliblikni qo‘lga kiritdi.
Yoshlarning innovatsion va kreativ g‘oyalari yuqori baholanib, ular 8 million 240 ming so‘m pul mukofoti, statuetka hamda esdalik sovg‘alari bilan taqdirlandi.
Bu yutuq yoshlarning ilm-fan va innovatsiyalar sohasidagi salohiyati tobora yuksalayotganining yana bir yorqin isbotidir.
