O‘zbekistonda chorvachilikni rivojlantirish va mahsuldorlikni oshirish maqsadida yangi soliq imtiyozlari joriy etildi. Endilikda 2026-yil 1-iyundan 2029-yilgacha xorijdan olib kiriladigan nasldor qoramol, qo‘y va echkilar QQSdan ozod qilinadi.
Shuningdek, aholi xonadonlarida sun’iy urug‘lantirish yoki embrion transplantatsiyasi orqali tug‘ilgan nasldor buzoqlar uchun subsidiya ajratiladi. Bu esa chorvadorlarni qo‘llab-quvvatlash, sifatli naslni ko‘paytirish hamda go‘sht-sut mahsulotlari hajmi va sifatini oshirishda muhim ahamiyat kasb etadi.
