Toshkent Xalqaro matematika olimpiadasida dunyoning turli davlatlaridan tashrif buyurgan iqtidorli yoshlar o‘rtasida bilimlar bellashuvi bo‘lib o‘tdi. Quvonarlisi, ushbu nufuzli musobaqada Termiz shahridagi 14-son umumta’lim maktabi o‘quvchisi Elshod O‘ralov yuqori natija ko‘rsatib, oltin medalni qo‘lga kiritdi.
Mazkur yutuq yoshlarning ilm-fanga bo‘lgan qiziqishi va salohiyatini namoyon etish bilan birga, vohamiz ta’lim tizimida olib borilayotgan samarali ishlarning amaliy natijasi sifatida ham ahamiyatlidir. O‘quvchining muvaffaqiyati uning ustozlari, ota-onasi va maktab jamoasi mehnatining yuksak e’tirofi bo‘ldi.
Elshod O‘ralovning ushbu g‘alabasi boshqa yoshlar uchun ham ilm yo‘lida intilish va yuksak marralarni zabt etishga undovchi yorqin namuna bo‘lib xizmat qiladi.
