Maktabgacha ta’lim tizimini rivojlantirish va bolalar uchun zamonaviy, xavfsiz hamda qulay sharoitlar yaratish kelajak avlod tarbiyasida muhim ahamiyatga ega. Shu maqsadda Jarqo‘rg‘on tumanida 3-sonli davlat maktabgacha ta’lim tashkilotining yangi binosi tantanali ravishda foydalanishga topshirildi.
90 o‘ringa mo‘ljallangan ushbu muassasa zamonaviy jihozlangan guruh xonalari, qulay o‘yin maydonchalari hamda bolalarning qiziqish va ehtiyojlarini inobatga olgan ta’lim muhiti bilan ajralib turadi.
Yangi bog‘cha tarbiyalanuvchilarning sifatli ta’lim-tarbiya olishi, bo‘sh vaqtini mazmunli o‘tkazishi va har tomonlama rivojlanishiga xizmat qilib, sog‘lom va barkamol avlodni voyaga yetkazishda muhim o‘rin tutadi.
