Tabiat va aholi xavfsizligini ta’minlash doimo ustuvor vazifa hisoblanadi. Shu maqsadda, Yuqori To‘palang milliy tabiat bog‘ida o‘rmon yong‘inlari bilan bog‘liq favqulodda vaziyatlarning oldini olish va ularning salbiy oqibatlarini kamaytirish bo‘yicha maxsus-taktik o‘quv mashg‘ulotlari tashkil etildi.
Mashg‘ulotlarda Sariosiyo tumani FVV bo‘limi, Milliy gvardiya, Uzun davlat o‘rmon xo‘jaligi hamda Hisor IDO‘X xodimlari faol ishtirok etdi. Tadbir davomida o‘rmon yong‘inlarini oldini olish choralarini kuchaytirish, kuch va vositalarning o‘zaro hamkorligini muvofiqlashtirish hamda tezkorlik va samaradorlikni oshirish bo‘yicha amaliy ko‘nikmalar mustahkamlandi.
Bunday mashg‘ulotlar tabiiy boyliklarni asrash va aholi xavfsizligini ta’minlashda muhim ahamiyatga ega.
